الفصل الأول
المشهد الأول
عريس لقطة وزى القمر... مطلق برضة .. مش مهم، عندة بنت... خير تبق أخت لولادي..لا دي مع مامتها فى أوروبا ومش موجودة... المهم هو عاوز يستقر.. نشوفه وماله.
المشهد التاني
الحمد لله حصل قبول... ألف مبروك ، بس لازم فترة خطوبة صغيرة ندرس فيها بعض شوية، ما هو أصل اللى عملها مرة لازم ياخد باله اوى بعد كده.
الأحوال تمام... الأولاد تقبلوا الموضوع بشكل كويس وكمان العريس بيحب الأولاد وده أهم حاجة عندي.... خير خير.
المشهد الثالث والأخير
خلاص بقى بنرتب حالنا على الزواج في أوائل الشهر الجاي... بنهزر ونضحك والحياة حلوة بس يا خسارة والحمد لله كمان ... سمعت كلمة اتقالت عفوية... انتى تحمدي ربنا اني حاخدك بعيالك....
Cut
تمام كده.... كل شيئ نصيب
النهاية
الفصل الثاني
المشهد الأول
راجل كويس وابن حلال وميسور الحال، مطلق وعنده ولد عايش مع أمه، المهم انه عارف ربنا كويس وبتقي الله فى كل حاجة بيعملها .. يعنى حيخاف عليكي ويعامل ربنا فيكي...
طيب والأولاد؟؟ هو ما عندوش مانع .. طيب نشوف
المشهد التاني
ما شاء الله.... طول وعرض... وأخلاق أخلاق....
المشهد الثالث
انتي بصراحة كده عاجباني أوى بس انا عاوزك لوحدك ينفع تودي الأولاد لأبوهم أو لوالدتك....
Cut
تمام كده.... كل شيئ نصيب
النهاية
الفصل الثالث
المشهد الأول
دكتور ومطلق (هي دي الموديلات الموجودة) المهم يكون مقدر وفاهم الحالة كويس...
والله إحنا قولنا كده وهو ما عندوش مانع الأول يشوف (يعاين البضاعة) يادي الغلب ما إحنا خلاص فهمنا الليلة كلها أعمل ايه يعني ماشي الحال أدينا بنضيع وقت ونفتح مواضيع جديدة بدل الملل اللى إحنا فيه..
حيكلمك الأول... وانتو بقى اتفاهموا...
المشهد الثاني
ألو مساء الخير... أنا فلان من طرف الحاجة فلانة... أهلا وسهلاً
عاملة ايه؟
الحمد لله
وانت ازيك
تمام
طيب ...
(نضحك على نفسنا شوية)
افتحي موضوع نتكلم فيه
مممممم أحاول! اسمك وسنك ومهنتك....
وبدأ الحوار.....
المشهد الثالث
ده بقى الحلقة الجاية...
هناك 8 تعليقات:
هاي يا حنونة
ازيك حلو قوي اسلوب المختصر المفيد الي انتي بتكتبي بية دة علي العريس يعني من الاخر صباحوا فــل يا قمر
ابعتيلي الميل بتاعك علشان اقيدك في الماسينجر بما اني بنزل القاهرة و ما بعرفش اشوفك فاشوك نت بقي من اليكس و نحكي
yasser_auf@hotmail.com
is mine
have a nice day
with my best regards
يا نونة صباحة فل يا بنتي ما انا و انتي و الي شبهنا و مروا بتجربة الزواج ( المشروع الاجتماعي الفاشل دة ) عارفين انة ما فيش فايدة احنا يظهر العيب فينا احنا موش في الي حوالينا علشان بنتصرف بتلقائية و بطبيعتنا و لا نتصنع او نتحجج او نستعبط او نمشي امورنا هي يا يمين يا شمال يا ابيض يا اسود موش بقول اننا قديسين لا احنا بلاوي و عارفين بس علي الاقل معترفين موش زي ناس عملين قديسين و هما و لا ..... بلاش شتيمة : عموما انا تعريفي للزواج هو غلطة وورطة و طول العمر ربطة يا تصيب يا غالبا تجيب ورطة
و عموما
Always keep a picture of your Ext husband in your wallet.
Look at it when you are in trouble.
You will feel that all other problems are not as big as this
<< ONE !!!>>
عزيزي ياسر، القضية اللى عاوزة اقولها هي معاناة المطلقات وأبناؤهم... مش انا بس، أنا محاطة بصديقات وأقارب بيمروا بنفس الظروف، ومش عارفين نعمل ايه.
المشكلة مش مجرد إنها حاملة اللقب، دي بقت موضة قديمة، زيادة عدد المطلقات في مصر فى ارتفاع مستمر...ونظرة المجتمع ليهم كأنهم معيوبين مش ححاول اتكلم فيها لانك فاهمها كويس. اللى بحاول أطرحة هنا مشكلة المطلقة اللى معاها أطفال وفرصتها فى العيش هى وأولادها حياة حرة ونظيفة وسط صراعات غريبة... القضية مش الجواز تاني، بس يتجوزوا الأول اللى لسة بيقولوا يا هادي عاوزين نعمل بيت واسرة. خوفي على الأولاد اللى لاهما عايشيين طبيعي زي زملاؤهم مثلاً في المدرسة، ولا عندهم فرصة لده... وفرصتهم برضة انهم يتعلموا مبدأ الأسرة أولاً برضة اتلغى... مهما حاولنا نربي كويس في حاجة حتفضل على طول ناقصة. وجود الأب في حياتهم...اللى بتخلي أي طفل يرفع راسه ويحس بالأمان صورة الرجل اللى حيقتدوا به لما يكبروا
وأصبح الأطفال دول هم المشكلة دلوقتى وده الخوف الأكبر على جيل جديد طالع
مساء الخير
دي اول زيارة لي لمدونتكن لي ملاحظة حول المشاهد، أولا من عيث شكل السرد فهو مباشر ومختصر ودسم في نفس الوثت، بس هل الإحساس الذي وصلني صحيح أم لا فقد شعرت بعدم جدية الأرتباط وكأنها تردد قول جداتنا" ضل راجل ولا ضل حيطة"
أنا طبعا أعرف وضع المطلقة في بلد يتراجع وينهار مثل مصر
هناك أمثلة كثيرة من مطلقات وارامل كن أكثر قوة بمفردهن وحققن ذواتهن، ولم يبحثن عن الرجل الضل بل الرجل الحبيب، بمعنى لم يكن الدافع للبحث عن الرجل ضله ودوره الحامي للاسرة سواء بمكانته ، وجوده، عضلاته، فلوسه إلخ
ومش كما جاء في تعليقك على ياسر
أي البحث عن الرجل تحت ضغط مشكلة من المشاكل أو تحت وطئة الإحتياج
مدونتك جميلة وأتفق معك بما جاء فيها حول موضوع الحجاب
شريف الصيفي
ألمانيا، هانوفر
Sherif, thanks for passing by, i do appreciate your comment, and allow me to feed you back soon to your questions tomorow as my home key board doesnt include arabic letters... thanks again
:) مدونتك حلوه ...
si tu parle en francais pourquoi tu n'ecrit pas dans le blog un petit peu aussi en francais ? tu sais j'aime bien lire en francais mais jamais j'ai pu ecrire en francais ... jamais aussi je sais queleque blog egyptien qui ecrit en francais leur post ... esperant voir des nouveaux posts meme si en chinoix ici :D
Hany George
Antouk
عزيزي شريف،
مرة تانية أشكرك على زيارتك لمدونتى، وأشكرك أكتر انك قدرت تقرا ما بين السطور، لكن في حاجة مهمة عاوزة أعلنها.... انا بالفعل أفضل ضل حيطة على ضل من يدعي الرجولة، ولن أتزوج لمرة ثانية إلا بمن احب فيه الرجل الأب، الأخ، الحبيب، الزوج، والابن، والبوي فريند. وأكبر دليل على كلامي هو انى قضيت العقد الأخير من عمري بدون هذا المخلوق المدعو الذكر الآدمي، مهما كانت إمكانياته أو مكانته أو وجوده، أو عضلاته، أو فلوسه... الخ الخ، ومش عارفة انت قريت فين في ردي على ياسر انى أريد هذا الزواج لأسباب قد ترجع إلى الإحتياج مهما كان شكله؟ ما علينا ... باقي ردي للآخر حيحتاج مدونة لوحدها علشان أوصل مجموعة تانية من الأفكار إللى واجعالى راسي بجد.
À (Karakib) (Antouk) (Hani George)
Je te remercie ton complément, et j’aime bien te dire que j’ai la même problème, je ne peux plus écrire facilement en français, simplement j’ai oublier, un autre chose (ne dit rien a quelqu’un) j’étais toujours faible consignant les expression écrite, mais j’essaye de me rappeler un petit peu avec mes enfants en faisant les devoirs… peut être je sera mieux.
une autre cause que la meilleurs facon pour ecrire notre sentiment j'ai jamais imaginer que je vais dire a une fillette je t'aime en francais ... jamais no meme en anglais toute mes sentiment je peut les traduire en arabe seulement :) Hany
إرسال تعليق